Target ng Department of Health (DOH) na magbukas pa ng maraming vaccination site sa mga pampublikong lugar sa buong bansa.
Ito’y makaraang mabigo ang gobyerno na maabot ang target na bilang ng mga mababakunahan sa unang linggo ng vaccination campaign.
Dahil dito, inilunsad ng kagawaran ang kampanyang ‘’Pinaslakas’’ noong Hulyo 26 sa hangaring mapaigting pa ang saklaw ng bakuna sa loob ng unang 100 araw ng panunungkulan ni Pangulong Bongbong Marcos Jr.
Para maabot ito kailangan na mabakunahan ang nasa 8.7 milyong senior citizen o 90% ng target population ng mga matatanda.
Bukod dito, kailangan din paigtingin ang pagtuturok ng booster shot sa 50% ng 71 milyong Pilipino.
