Iginiit ng Philippine Foundation for Vaccination na malaki ang naitutulong ng pagpapaturok ng covid-19 vaccines bilang proteksyon laban sa virus.
Sa panayam ng DWIZ, sinabi ni Executive Director Dr. Lulu Bravo ng Philippine Foundation for Vaccination na importante ang pagpapabakuna gayundin ang patuloy na pagsunod sa minimum public health standards.
Ayon kay Bravo, hindi dapat magpakampante ang publiko dahil nananatili pa rin ang covid-19 sa bansa.
Sinabi ni Bravo, na dapat i-build o kuhain ng pamahalaan ang tiwala ng publiko kaugnay sa public health system para maturukan ang mga tumatangging magpabakuna.
Samantala, nanawagan si Bravo sa mga nagpapakalat ng maling impormasyon hinggil sa iba’t-ibang uri ng mga bakuna sa bansa.
