Muling makakaranas ng pansamantalang water interruption ang ilang lungsod sa Metro Manila simula bukas, Hulyo 15 hanggang sa sabado, Hulyo 16.
Ayon sa pamunuan ng Maynilad, kinakailangang magsagawa ng urgent repair works makaraang tamaan ng third-party contractor na nagsasagawa ng drainage project ang kanilang tubo ng tubig sa bahagi ng Pureza Street kanto ng Abad Santos sa lungsod ng Maynila.
Mababatid na kabilang sa mga maaapektuhan ng water interruption ang ilang lugar sa Maynila, Makati, Pasay, Las Piñas at Parañaque.
Samantala, pinapayuhan naman ng maynila ang mga apektadong customer na mag-ipon ng sapat na tubig habang nagpapatuloy ang pagkukumpuni sa nasabing water pipe.
