Tiniyak ng Department of Social Welfare and Development (DSWD) na handa sila mamahagi ang kanilang ahensya ng relief goods sa Ifugao Province.
Ito ay para mabigyan ng tulong ang mga nasalanta ng baha bunsod ng malakas na pag-ulan.
Ayon kay DSWD Secretary Erwin Tulfo, magdamag na naka-monitor ang ahensya sa nasabing lalawigan para agad mabigyan ng ayuda ang mga apektadong residente sa lugar.
Handa na rin ang lahat ng relief packs at marami pa ang nakareserba.
Samantala, nagpaabot naman ng pasasalamat ang kalihim sa Philippine National Police (PNP), Armed Forces of the Philippines (AFP), at mga volunteers na tumulong sa search and rescue at road clearing operations sa naganap na flash flood.
