Ikinatuwa ng Catholic Bishop’s Conference of the Philippines (CBCP) ang pagpayag ng Inter-Agency Task Force on the Management of Emerging Infectious Diseases.
Ito’y matapos payagan ng IATF na papasukin sa loob ng mga simbahan ang 10% kapasidad nito sa mga lugar na nasa ncr plus bubble.
Ayon kay CBCP Public Affairs Committee Secretary Fr. Jerome Secillano, titiyakin ng mga simbahan na nasa ilalim ng ncr plus bubble ang mahigpit na pagpapatupad ng health and safety protocols kontra COVID-19.
Dagdag pa ng pari, magandang pagkakataon aniya ito lalo pa’t mabibigyan ng pagkakataon ang mga katoliko na damhin ang biyaya ng Easter triduum hanggang sa araw ng Pasko ng muling pagkabuhay.
