Bukas na sa publiko ang burol ng yumaong si dating Budget Secretary at dating Camarines Sur Rep. Rolando Andaya Jr.
Ito ang sinabi ng mga anak ni Andaya na sina Ranton at Katrina sa Facebook page ng kanilang yumaong ama.
Nakalagak ang abo ng yumaong opisyal sa Chapel 8 ng Heritage Memorial Park sa Taguig City kung saan nagsimula itong buksan kahapon ng alas kwatro ng hapon hanggang alas diyes ng gabi.
Ngayong araw hanggang sa Lunes, July 4 ay bukas ito sa mga nais bumisita at dumalaw sa burol ni Andaya mula alas diyes ng umaga hanggang alas diyes ng gabi.
Nakatakda namang ilibing ang dating mambabatas sa Martes, July 5 sa St. Therese Columbarium sa Pasay City.
