Inaresto ng mga otoridad ang 75 katao matapos mahuli sa aktong nagtutupada sa Barangay Lagundi, Mexico, Pampanga.
Ayon sa mga tauhan ng Pampanga Police Station, nakatanggap sila ng tip mula sa isang concerned citizen hinggil sa iligal na aktibidad ng mga sabungero.
Mabilis na rumesponde ang mga otoridad at inaresto ang mga indibidwal na hindi na pinangalanan.
Nakuha sakanila ang P52, 000 na taya, mga gamit sa sabong at mga panabong na manok habang inihahanda na ang kasong paglabag sa Presidential Decree 1602 o Illegal Gambling Law laban sa mga inaresto.
