Sugatan ang isang mister sa Ilocos Sur matapos saksakin sa tagiliran ng kaniyang misis.
Itinago sa pangalang Luis ni Sto. Domingo Police Station OIC, police Lt. Rodel Marzon ang biktima at misis nitong si alyas ‘Josie’.
Sa imbestigasyon, naganap ang insidente habang naghahapunan sa kanilang bahay ang mag-asawa.
Pero nauwi ito sa pagtatalo matapos magpasandok ng kanin ang lalaki kahit malapit lang sa kaniya ang kaldero.
Dito na sinaksak ng misis ang mister nito na agad namang isinugod sa ospital.
Nakakulong na ang ginang na paliwanag ng kanilang kaanak ay mayroong problema sa pag-iisip.
