Tatlo ang nasawi habang apat na indibidwal naman ang sugatan sa pinaniniwalaang terror atack sa siyudad ng elad sa Israel.
Nangyari ang insidente sa mismong Independence Day ng Israel, kung saan tinarget umano ng dalawang hindi pa natutukoy na suspek ang mga dumadaan sa isang parke doon.
Batay sa Israeli Media, armado ang mga suspek ng mga kutsilyo at palakol.
Naglunsad na ng malawakang manhunt operations ang mga otoridad upang matunton ang mga suspek.
Pinaalalahanan naman ang mga residente ng Elad na manatili sa loob ng kanilang mga tahanan.
