Niyanig ng magnitude 5.8 na lindol ang hilagang-kanlurang bahagi ng Iran ngayong araw ng Biyernes, ika-8 ng Nobyembre.
Naitala ng US Geological Survey (USGS) ang episentro ng naturang lindol sa layong 83-kilometers o 52-miles, timog-kanluran ng Ardabil.
May lalim itong 10-kilometers o 6.2-miles.
Samantala, unang napaulat ang naturang lindol bilang magnitude 6.0 ng European-Mediterranean Seismological Centre (EMSC).
