Inihayag ni Speaker Lord Allan Velasco na dapat ipatupad nang tama at maayos ng susunod na pangulo ng bansa ang marawi compensation act na nilagdaan Ni Pangulong Rodrigo Duterte bilang isang batas.
Layunin nitong matulungan ang libu-libong mga residente ng Marawi City Sa Lanao Del Sur para maibangon ang mga sarili at kabuhayan mula sa pagkakalugmok at pinsala bunsod ng nagdaang bakbakan sa pagitan ng puwersa ng gobyerno at mga tauhan ng Islamic State na Maute Group noong 2017.
Matatandaang malaki ang idinulot na pinsala ng bakbakan kung saan, maraming gusali ang gumuho, mga bahay at kalsada na nasira at bumagsak din ang turismo at ekonomiya sa kanilang lugar.
Nakapaloob sa nasabing batas na ang mga apektadong kuwalipikadong may-ari ng residential, cultural, at commercial structure bukod sa iba pang ari-arian sa Marawi ay makakatanggap ng tax-free compensation mula sa estado.