Aprubado na ng Food and Drug Administration (FDA) ang emergency use authorization (EUA) ng anim na covid-19 vaccines bilang pangalawang booster shots.
Ayon kay Dr. Myrna Cabotaje, Health Undersecretary at Chairperson ng National Vaccination Operations Center, kabilang sa mga inaprubahang bakuna ay ang Pfizer, Moderna, Sinovac, Astrazeneca, Sputnik Light at Janssen.
Sinabi ni Cabotaje, na nakahanda na ang guidelines para sa roll out nito at hinihintay na lamang ang pinal na rekomendasyon ng Health and Technology Assessment Council (HTAC) at inaasahang masisimulan sa susunod na linggo.
Paryoridad sa pagtuturok ng ikalawang booster shots ang healthcare workers, senior citizens, at immunocompromised individuals. —sa panulat ni Angelica Doctolero