Hinimok ni Health Secretary Francisco Duque, III ang mga tumatakbo sa May 9 Elections na ikampanya rin ang pagbabakuna kontra COVID-19.
Sa Talk to the People kagabi, sinabi ni Duque na makakatulong ito upang makamit ng pamahalaan ang target nito na mabakunahan ang nasa 90 milyong Pilipino bago matapos ang termino ni Pangulong Rodrigo Duterte sa Hunyo 30.
Sa ngayon ay nasa 66.23 milyong indibidwal ang fully vaccinated na laban sa COVID-19.