Ipinasilip ng Philippine Postal Corporation (PHLPost) ang mga bagong stamp kung saan tampok ang sampung Pilipino na nagsisilbing inspirasyon sa kani-kanilang larangan.
Tinawag itong “Living Legends – Outstanding Filipinos: Series I,” collection, upang bigyang pugay ang mga Pinoy na nagbigay ng kontribusyon sa Theater and Visual Arts, Science and Technology, Sports.
Kabilang dito ang mga aktres na sina Nora Aunor, Gloria Romero, Rosa Rosal, at Vilma Santos; pintor na si Romulo Galicano, at mga scientist na sina Dr. Ernesto O. Domingo at Dr. Baldomero Olivera.
Sa larangan naman ng sports, bibigyan rin ng commemorative stamp ng PHILPost ang bowler na si Olivia “Bong” Coo at basketball player na si Ramon “El Presidente” Fernandez.
Ang pagpapalabas ng “Living Legends – Outstanding Filipinos: Series I” stamps ay kasabay ng ika-75 anibersaryo ng paglimbag ng mga selyo sa Pilipinas.
