13 indibidwal ang nasawi makaraang lumubog ang isang tourist boat sa Vietnam.
Batay sa ulat, lulan ng naturang bangka ang 39 na local tourists at crew na nanggaling sa Cu Lao Cham Island, isang sikat na lugar para sa water sports.
Kinumpirma naman ni Local Communist Party Chief Nguyen Sinh na apat na indibidwal ang nawawala kabilang ang dalawang bata.
Sinabi naman ng isang Local Border Guard na noong mga nakalipas na araw ay malakas ang hampas ng alon at hangin dulot ng masamang panahon.
