Aabot sa 10M doses ng reformulated Pfizer COVID-19 vaccines para sa mga kabataang edad 5 hanggang 11, ang darating sa bansa sa ikalawang kwarter ng taon.
Ayon kay Department of Health (DOH) Usec. Myrna Cabotaje, kabilang dito ang 2.5M na darating sa bansa ngayong buwan.
Sa pinakahuling tala, tatlong batch na ng delivery ang dumating sa Pilipinas na naglalaman ng 780K doses kada isa.
Nasa 260K kabataang 5 hanggang 11 naman ang nakatanggap na ng unang doses ng bakuna kontra COVID-19. - sa panulat ni Abigail Malanday