Mahigpit na binabantayan ng PHIVOLCS ang bulkang Kanlaon sa Negros Island matapos makapagtala ng mga pagyanig sa paligid nito.
Umabot na sa 11 mababaw na lindol na may lakas hanggang magnitudes 2.1 ang naitala sa Kanlaon Volcano Network.
Nagsimula ang mga pagyanig noong Martes ng gabi sa paanang bahagi ng bulkan sa Bago City.
Ipinaliwanag ng PHIVOLCS na ang mga “localized” shallow seismic activity at maikling ground deformation ay sanhi ng mababaw na hydrothermal o geothermal process sa ilalim na maaaring magdulot ng phreatic o steam-driven explosions.
Sa kabila nito, nananatili sa alert level 1 ang Bulkang Kanlaon habang ipinagbabawal pa rin ang pagpasok sa loob ng 4 kilometer danger zone.