Umapela sa senado ang Motorcycle Drivers Group na kapatiran sa dalawang gulong o kagulong na ipasa na ang mahigit isang taong nakabinbing Senate bill 1341 o motorcycles for hire act bago pa mag-halalan at magpalit ang Kongreso.
Nasa kamay ni senador Grace Poe bilang chairperson ng senate committee on public services ang pag-apruba sa naturang panukala na kilala rin bilang motorcycle taxi bill.
Noon lamang isang linggo, inaprubahan sa ikalawang pagbasa sa kamara ang naturang panukala sa Kamara.
Ayon kay Don Pangan, secretary general ng kagulong, ang kawalan ng kaukulang batas ang dahilan kaya’t walang maayos at tamang regulatory mechanism at hindi nagagawang ma-regulate ang sistema sa motorcycle taxi.
Sa kabila ng hirit, tila malabong makalusot sa kongreso ang bill dahil magre-recess na ang mga mambabatas sa Pebrero 9 maliban na lamang kung ipasa ng senado ang kanilang panukala.
Habang walang batas, tanging Joyride at Angkas ang pagpipilian ng mga mananakay bilang motorcycle taxi.
