Dinepensahan ng kolumnistang si Cristy Fermin ang Veteran Entertainment Columnist na si Lolit Solis makaraang magbitaw ng komento ang TV Host at Itchyworms member na si Jugs Jugueta para ipagtanggol ang paratang sa kaniyang Co-TV host at Vlogger-YouTuber na si Unkaboggable Vice Ganda.
Kasunod ito ng naging post ni Manay Lolit sa kaniyang Instagram account kung saan, ibinahagi nito ang nakarating na balita sakaniya na si Vice ay “nagpapower tripping” sa kaniyang mga katrabaho sa isang noon time show at marami na itong nasasaktang ka-trabaho.
Dito na ipinagtanggol ni Jugs si Vice at nag iwan ng komento sa ipinost ni Lolit at sinabing maayos ang kanilang samahan at masaya silang katrabaho si vice kaya maghanap na lamang ito ng ibang source na Marites.
Samantala, sa naging pahayag naman ni Cristy Fermin, sinabi niyang maraming nakakarating na kwento kay Manay Lolit na marami na ring masama ang loob kay Vice at hindi lamang makapagsalita dahil walang lakas ng loob dahil takot mawalan ng trabaho ngayong pandemiya. —sa panulat ni Angelica Doctolero
