Palalakasin sa gitna ng pandemya ang local milk production ng bansa.
Inatasan na ni Agriculture Secretary William Dar ang kaniyang mga tauhan maging ang DA-National Dairy Authority (NDA) at DA-Philippine Carabao Center (PCC) na i-re-tool o muling ayusin ang Local Production Strategies at makipag-ugnayan sa pribadong sektor.
Ayon kay Dar, hindi dapat maging kampante sa malaking potensyal na mas mapataas ang produksiyon ng local milk na makakatulong sa pag-angat ng ekonomiya sa gitna ng kinakaharap na hamon ngayong pandemya.
Nabatid na ang Pilipinas ay isang malaking importer ng dairy products, partikular na ang milk powder kung saan, noong 2020, ang Philippine Dairy Industry ay nakapagtala ng pagtaas sa local milk production at pagbaba naman sa imports at exports ng milk at dairy products.
Sa datos ng Philippine Statistics Authority (PSA), tumaas ng 9.5% mula 24.38M liters noong 2019 ang local milk production mula sa 26.71M liters noong 2020.
Nangungunang milk-producing sa mga probinsya ay ang Davao, Laguna, Bulacan, Bukidnon at Batangas dahil sa pagtaas ng dairy animals sa milkline, kabilang na ang cattle 64%, buffalo 31%, at goat na mayroong 5%. —sa panulat ni Angelica Doctolero
