Kalaboso ang isang suspek na kinilalang si Ariel Orapa, 25 anyos matapos pasukin at lagarin ang bakal sa isang sementeryo sa Bukidnon.
Batay sa ulat, nadatnan ng mga pulis si Orapa na nilalagare nito ang mga rehas na bakal sa nasabing lugar kasama ang isa pang suspek upang nakawin ang nagkakahalagang 80,000 piso.
Agad na dinampot ang suspek habang nakatakas naman ang kasabwat nito na kinilalang si Benjie Miñiao.
Ayon sa suspek, nagawa lamang niyang lagariin at nakawin ang mga bakal sa sementeryo upang ibenta at may pangkain sa kanyang pamilya dahil sa hirap ng buhay ngayong pandemya. —sa panulat ni Kim Gomez
