Nagpositibo sa COVID-19 si Miss Universe 2015 Pia Wurtzbach.
Sa isang Instagram post, ibinahagi ni Queen P na kahit siya’y fully vaccinated na at nakatanggap na rin ng booster shot ay tinamaan pa rin siya ng naturang sakit.
Aniya, nakakaranas siya ng lagnat, sore throat, pananakit ng katawan at nawalan rin siya ng pang-amoy at panlasa.
Kaugnay nito, hinikayat ni Wurtzbach ang publiko na sumunod sa health & safety protocols at magpabakuna kontra COVID-19.
Pinayuhan rin ng beauty queen ang publiko na huwag maging makasarili lalo pa’t marami na ngayon ang tinatamaan ng naturang sakit.
