Umapela si Health Undersecretary Maria Rosario Vergeire sa publiko na ireserba ang N95 masks para sa healthcare workers upang hindi magkulang ang supply para sa kanila sa gitna ng banta ng COVID-19 Omicron variant.
Tiniyak ni Vergeire na sapat ang proteksyong ibinibigay ng surgical mask na karaniwang isinusuot ng mga tao sa labas.
Hindi pa naman anya naglalabas ng rekomendasyon ang mga eksperto hinggil sa surgical masks.
Idinagdag pa ni Vergeire na kahit dumaan ang Delta, Alpha at Beta variants ay hindi pinalitan ang protocols sa face mask.
