Posibleng maisailalim muli ang Pilipinas sa COVID-19 alert level 3 o 4.
Ito, ayon kay Dr. Ted Herbosa, special adviser ng NTF-Against COVID-19 kasunod ng pagdami ng mga kaso ng virus.
Marami aniyang mga pilipino ang tila nakalimot na sa minimum health standards lalo ngayong holiday season kung saan maraming nagaganap na mga pagtitipon.
Ipinaalala rin ni Herbosa na maaari pa ring tamaan ng COVID-19 ang mga nabakunahan na laban sa naturang sakit.
