Inabandona ang apat na batang magkakapatid sa harap ng San Isidro Parish Church sa Cotabato.
Kabilang sa apat na na-rescue ang 8-anyos na babae, 6-anyos na lalaki, 2-anyos na babae, at 3 buwang sanggol na nadatnan ng mga pulis na umiiyak at namumutla na.
Binigyan naman ng Libungan Police ng pagkain ang mga bata habang pinalitan ng diaper at pinainom ng gatas ang sanggol.
Ayon sa mga otoridad, dalawang araw namalagi sa himpilan ng pulisya ang mga bata kasama na rin ang ina nila na kalauna’y binalikan sila.
Nagpapasalamat naman ang ina na natulungan sila ng mga pulis lalo na sa panahong hirap silang makapag-pasko na buo ang pamilya. —sa panulat ni Mara Valle
