Asahan pa rin na makakaranas ng pag-ulan sa ibat-ibang bahagi ng bansa bunsod ng ibat-ibang weather systems kabilang na dito ang shearline, Inter-Tropical Convergence Zone (ITCZ) at Northeast Moonsoon o hanging amihan.
Patuloy pa ring mararamdaman ang malakas na epekto ng hanging amihan sa bahagi ng hilaga at timog ng Luzon.
Ayon kay PAGASA Weather Specialist Benny Estareja, walang inaasahang bagyo na papasok at mabubuo sa loob Philippine Area of Responsibility (PAR) hanggang matapos ang taong 2021 at tatagal sa unang araw ng taong 2022.
Samantala, makakaranas naman ng pag-ulan na may kasamang pagkulog at pagkidlat sa bahagi ng Visayas at Mindanao partikular na ang Eastern, Central Visayas at Aklan kabilang na ang Boracay at Capiz.
Agwat ng temperatura sa Metro Manila ay mula 23 hanggang 30 degrees celsius habang sumikat naman ang haring araw kaninang 6:19 ng umaga at lulubog naman ito mamayang 5:35 ng hapon.—sa panulat ni Angelica Doctolero
