Ibinasura ng Commission on Elections (COMELEC) Second Division ang petisyong nagpapadeklara bilang “nuisance candidate” sa social media personality at senatorial aspirant na si Francis Leo Marcos.
Dahil dito maaari pa ring tumakbo sa pagkasenador si Marcos.
Ayon sa COMELEC, walang basehan para ideklarang nuisance candidate si Marcos.
Kakayahan din anila ito na mangampanya dahil sa kanyang kasikatan at mga supporter.
Sinabi nina Presiding Commissioner Socorro Inting at Commissioner Antonio Kho Jr. na sikat si Marcos sa social media at may mga supporter.