Inihayag ni Health Undersecretary Myrna Cabotaje na malaki ang tiyansang magkahawahan ng Omicron variant sa loob ng bahay.
Ayon kay Cabotaje mas mabilis kasi itong naipapasa kung ikukumpara sa delta variant ng COVID-19.
Sinabi pa ni Cabotaje na mayroong 19% ang hawahan ng Omicron variant sa household kumpara sa Delta na nasa 8.5% lamang.
Sa naging pag-aaral ng isang laboratoryo sa United Kingdom, mas malaki umano ang tsansa na matamaan ng Omicron variant ang mga bata at mga matatandang unvaccinated.
Dahil dito, nanawagan si Cabotaje sa publiko na magpabakuna na upang maiwasan ang nakakahawang sakit. —sa panulat ni Angelica Doctolero
