Ipinauubaya na ni Pangulong Rodrigo Duterte sa Kongreso ang magiging kapalaran ng panukalang ibalik ang parusang kamatayan sa bansa.
Ito ang sagot ng Malacañang sa mga akusasyong pine-pressure umano nila ang Kongreso upang agad maipasa ang nasabing panukalang batas.
Ayon kay Communications Secretary Martin Andanar, iginagalang nila ang magiging kapasyahan ng mga mambabatas alinsunod sa resulta ng kanilang magiging botohan sa plenaryo.
Bilang isang independent co-equal branch ng pamahalaan, sinabi ni Andanar na hindi kailanman maaaring manghimasok ang Palasyo sa mga usaping tanging ang mga mambabatas lamang ang dapat tumalakay.
By Jaymark Dagala