Umaasa ang National Task Force Against COVID-19 na maabot nito ang target na 15 million individuals na mababakunahan sa itinakdang tatlong araw na National Vaccination Campaign laban sa COVID-19 mula November 29.
Sinabi ni NTF Spokesperson Retired General Restituto Padilla na naniniwala silang malakas ang bayanihan spirit kayat tiyak na makakamit ang target kapag magtutulung tulong ang lahat.
Ipinabatid ni Padilla na positibo ang feedback mula sa health workers na makikiisa sa vaccination drive samantalang palalakasin pa ng pribadong sektor ang kooperasyon sa kampanya sa pamamagitan nang pagbubukas ng kanilang pasilidad para rito.
