Arestado sa pagbi-benta ng pekeng vaccination card ang anim na lalaki, sa isinagawang entrapment operations ng mga otoridad sa Recto Avenue, Maynila.
Pinangunahan ng Northern Police District ang pag-suyod sa nasabing lugar kung saan nakuha ang mga pinekeng vaccination card at ilang mga dokumento.
Ayon sa mga otoridad, natuklasan ang ilegal na gawain ng anim na indibidwal matapos makumpiramng peke ang pina-verify na vax card ng isang empleyado nang nagsumbong na negosyante.
Mariing itinanggi ng mga naarestong suspek ang alegasyon.
Samantala, patuloy na nakikipag-ugnayan ang doh sa pnp upang maiwasan ang paglaganap nang pagbi-benta ng pekeng vaccination cards.—sa panulat ni Joana Luna
