Binabalak ng Department Of Tourism (DOT) na magkaloob ng libreng swab test sa mga turista upang maibalik muli ang sigla ng turismo sa kabila ng COVID-19 pandemic.
Ayon sa DOT, sa ngayon, ay maaaring maka-discount sa RT-PCR test ang mga biyaherong mula sa Metro Manila sa halagang P750 sa Philippine Children’s Medical Center, mula sa orihinal na presyong P3,577.
Mababatid na lumagda ng kasunduan ang DOT, PCMC at Philippine General Hospital kaugnay sa pagbibigay ng 50% subsidiya para sa swab test ng 13,000 turista hanggang Disyembre.
Sinabi pa ni Puyat na posibleng ipatupad ang libreng swab test para lamang sa fully vaccinated individuals sa susunod na buwan.—sa panulat ni Hya Ludivico
