Labing siyam (19) na porsyento ng mga Filipino ang nagsabing gusto nilang magpa-bakuna.
Ito’y batay sa isinagawang survey ng OCTA Research Group bilang pagsusuri sa kagustuhan ng mga Pinoy na makatanggap ng ligtas na bakuna kontra COVID-19.
Sa nasabing survey lumabas na 46% ang nagsabing hindi sila magpapabakuna habang 35% ang hindi pa sigurado.
Samantala, tinanong din sa survey kung anong bakuna ang mas pinagkakatiwalaan.
Lumabas na pinakamarami ang tiwala sa mga bakunang gawa sa Amerika na sinundan ng gawa sa United Kingdom, Russia at India.
Ang bakunang gawa sa China ang nakakuha ng pinakamababang tiwala sa mga Filipino.