Walang pagtaas ng COVID-19 cases sa Metro Manila sa gitna ng ipinatutupad na alert level 3 sa rehiyon.
Ito’y ayon kay OCTA research Fellow Dr. Guido David at sinabing bumaba pa sa 0.45 ang reproduction numbersa NCR at bumaba rin ang naitatalang mga kaso kada araw.
Maliban sa NCR, sinabi pa ni David na patuloy rin ang pagbaba ng COVID-19 cases sa Calabarzon, Cebu City at Davao City.
Samantala, ilang mga lugar pa rin ang nakapagtala ng mataas na kaso gaya ng Zambales, Negros Oriental, at Region 2 partikular ang Isabela, Quirino at Nueva Vizcaya.—sa panulat ni Hyacinth Ludivico
