Aabot sa halos limang kilo ng mga shark’s teeth o ngipin ng pating ang nasabat ng mga tauhan ng Bureau of Customs (BOC) sa Cebu-Subport sa Mactan.
Ayon sa BOC, misdeclared ang naturang mga kontrabando bilang plastic components para sa fashion accessories.
Nabisto ang nasabing kontrabando nang makitaan ito ng kahina-hinalang bagay nang idaan sa x-ray machine.
Kinumpirma ng Bureau of Fisheries and Aquatic Resources (BFAR) na pawang mga ngipin ng pating nga ang laman ng nasabat na kontrabando at walang ni isang plastic component ang nakalagay duon.
Nabisto ring walang import permit mula sa BFAR ang mga nasabat na ngipin ng pating na itinuturing nang endangered species kaya’t ipinagbabawal sa batas ang panghuhuli at pagkuha ng anumang bahagi ng katawan nito.