Isang sundalo ang patay habang tatlong iba pa ang sugatan matapos tambangan ng pinaniniwalaang mga miyembro ng New People’s Army sa bayan ng Libmanan, Camarines Sur.
Pabalik na ng kampo ang nasa 14 na miyembro ng 93rd Division Reconnaissance Company sakay ng truck nang salubungin ng malakas na pagsabog sa Barangay Pag-Oring Nuevo.
Galing ang mga sundalo sa clearing operations kaugnay sa Barangay at Sangguniang Kabataan elections nang sumiklab ang sagupaan na tumagal ng 15 minuto.
Tumanggi munang pangalanan ng Philippine Army ang nasawing sundalo.
