Kailangan higpitan ang border control sa mga lalawigan upang mapigilan ang pagtaas ng kaso ng COVID-19.
Ito ang binigyang-diin ni Prof. Guido David ng Octa research team, maaaring dahil sa mga umuuwi sa mga probinsya kaya dumarami ang kaso ng COVID-19 sa Ilocos, Bataan at sa Aklan.
Dagdag ni David, bukod sa mga nasabing lalawigan, tumataas na muli ang bilang ng kaso sa mga lalawigan ng Bulacan, Cavite at Laguna.
Dapat aniyang magpatupad ng localized lockdown sa mga karatig bayan ng National Capital Region (NCR) upang bumagal ang hawaan ng naturang virus.
