Isasailalim sa Enhanced Community Quarantine (ECQ) ang Bataan province simula bukas, ika-8 hanggang ika-22 ng Agosto dahil sa banta ng COVID-19 Delta variant.
Ito ang inanunsiyo ni Presidential Spokesperson Harry Roque matapos aniyang aprubahan ni Pangulong Rodrigo Duterte ang dalawang linggong lockdown na inirekomenda ng Inter-Agency Task Force (IATF).
Una rito, isinailalim na rin sa ECQ ang Iloilo City, Laguna, at Cagayan De Oro upang mapigilan ang pagkalat ng bagong variant na unang natuklasan sa India.
