Nagbabala si Sen. Sherwin Gatchalian sa posibleng kurapsyon sakaling hawakan na ng gobyerno ang National Grid Corporation of the Philippines (NGCP).
Ito’y matapos imungkahi ni Energy Secretary Alfonso Cusi ang pag-take over ng gobyerno sa NGCP kasunod ng naranasang rotational brownout.
Ayon kay Gatchalian, sa oras na hawakan na ng gobyerno ang mga negosyo, tiyak na papasukin ito ng kurapsyon dahil sa ilang mga tiwaling opisyal.
Giit ng senador, kurapsyon ang dahilan kung bakit dumistansya na ang gobyerno sektor ng enerhiya.
Inihalimbawa ni Gatchalian ang kaso ng national power corporation na nagpasan ng trilyon-trilyong utang dahil sa kurapsyon.
