Nagpaalala ang isang health professional na huwag madaliin ang pagluluwag sa quarantine classification sa NCR plus.
Ayon kay Dr. Maricar Limpin, pangulo ng Philippine College of Physicians, hanggang sa ngayon ay ramdam pa rin ang pagtaas ng kaso ng COVID-19.
Sa ngayon aniya ay bahagyang humupa na kaya’t sana ay huwag hayaang bumalik ulit sa una kung saan nakaalarma ang pagtaas ng kaso at kinakailangan na namang magpatupad ng gobyerno ng total lockdown.
Kaugnay nito, hinimok ni limpin ang gobyerno na pag-isipan na panatilihin ang kasalukuyang quarantine classification sa ngayon dahil napapansin na naman nila ang pagdami ng kaso ng COVID-19 sa mga pagamutan.
