Tuloy ang plano ng Lokal na Pamahalaan ng Maynila sa pagpapatayo ng temporary mobile hospital at drive-thru vaccination site sa Luneta.
Ito ang inanunsiyo ni Tourism Sec. Berna Puyat na pumayag ang mga opisyal ng National Parks Development Committee (NPDC) sa panukala ni Manila Mayor Isko Moreno na magtayo ng pasilidad sa Burnham Green sa Rizal Park.
Nakasaad sa sulat ni NPDC Executive Dir. Cecille Romero , ito’y paghahanda sa posibleng pagdami ng kaso ng coronavirus disease 2019 (COVID-19).
Tiniyak naman ng alkalde na ibabalik niya sa dating kondisyon ang Burnham Green kapag maaari nang alisin ang mga pasilidad.
Bukod dito, sinabi ng alkalde na walang gagastusin ang gobyerno sa pagtatayo ng mga pasilidad sa lugar.
Samanatala, sinabi ni Puyat na ang bubuksang pasilidad ay hindi lamang sa mga residente ng Maynila bagkus ito ay para sa lahat na nakakaranas ng mild to moderate symptoms ng virus. —sa panulat ni Rashid Locsin
