Posibleng aprubahan na ni Pangulong Rodrigo Duterte ang pagsasailalim sa modified general community quarantine (MGCQ) ng buong bansa sa susunod na buwan.
Ito ang inihayag ni Presidential Spokesperson Harry Roque, matapos aniyang magkasundo ang Inter-Agency Task Force (IATF) at mga alkalde ng Metro Manila na irekomenda ang pagluluwag ng quarantine restrictions sa NCR.
Ayon kay Roque, sa Lunes, Pebrero 20 nakatakdang magpasiya si Pangulong Duterte hinggil sa ipatutupad na mga community quarantine classifications sa buong buwan ng Marso.
Iaanunsyo naman aniya ito ng pangulo bago matapos ang Pebrero.
Una nang hinimok ng IATF si Pangulong Duterte na isailalim na sa MGCQ ang buong bansa upang mapahintulutan ang lalung pagbubukas ng ekonomiya.
