Tinamaan ng COVID-19 ang 17 kawani ng Iloilo Provincial Hospital sa bayan ng Pototan.
Ito ang kinumpirma ni Provincial Administrator Suzette Mamon matapos lumabas ang resulta ng RT-PCR o swab tests ng mga ito.
Ayon kay Mamon, ang mga nagpositibo ay kinabibilangan ng isang doktor, labintatlong nurse, dalawang nursing attendants, at isang utility worker.
Dahil dito, isinailalim na sa lockdown ang surgery at orthopedic department ng ospital upang bigyang daan ang disinfection habang mas pinaigting din ang isinasagawang contact tracing upang matunton ang mga nakasalamuha ng mga pasyente.
