May paraan ang pamahalaan na masolusyunan ang sobrang pagtaas ng presyo ng mga bilihin sa mga pamilihihan partikular sa presyo ng baboy.
Ito’y ayon kay Sendor Kiko Pangilinan makaraang sabihin ni Agriculture Secretary William Dar na nasa state of calamity ang bansa sa ngayon dahil sa sobrang pagtaas ng presyo ng baboy, manok, gulay at prutas dulot ng African Swine Fever (ASF), mga nagdaang kalamidad at umano’y price manipulation.
Dagdag pa ni Pangilinan, nagpahayag na siya ng babala at pangamba sa patuloy na pagtaas ng presyo ng bilihin sa isinagawang privilege speech.
Paliwanag ni Pangilinan, mabuti na lang ay tumugon at umaaksyon na ngayon ang Agriculture Department.
Kasunod nito, sa Lunes, magsasagawa ng public hearing ang committee on agriculture ng senado para alamin ng kapulungan kung anu-ano ang pupwedeng gawing aksyon ng pamahalaan hinggil dito. —ulat mula kay Cely Ortega-Bueno (Patrol 19)