Nagpaabot ng mainit na pagbati at best wishes si Pangulong Rodrigo Duterte kina US President Joe Biden at Vice President Kamala Harris sa kanilang pormal na panunumpa sa tungkulin.
Ayon kay presidential Spokesperson Harry Roque, umaasa ang pamahalaan na magpapatuloy ang matagal nang ugnayan ng Pilipinas sa Estados Unidos tungo sa hangarin ng mas malaya at mapayapang mundo.
Tiwala rin aniya ang administrasyong Duterte sa pamumuno ni Biden nang may buong pagmamalaki at nagtataglay ng pag-asa at pagtangi mula sa iba pang mga bansa.
Gayunman, sinabi ni Roque, na wala pa siyang impormasyon kung may plano si Pangulong Duterte na makipag-usap kay Biden para matalakay ang bilateral relations sa pagitan ng Pilipinas at Estados Unidos.