Makararanas ng water service interruption ang ilang mga customer ng Maynilad sa Las Piñas at Parañaque simula mamayang alas-sais ng gabi hanggang alas-sais ng umaga bukas, ika-12 ng Enero.
Ayon sa Maynilad, ang naturang hakbang ay para bigyang daan ang pagsasaayos sa mga tubo sa bahagi ng coastal mall sa Tambo sa lungsod ng Parañaque.
Narito ang tala ng mga lugar na maaapektuhan ng water service interruption:
Sa Las Piñas ang mga Barangay Caa, Manuyo Dos, Pamplona Dos, Pamplona Tres, Pulanglupa Dos at Talon Uno hanggang Talon Tres.
Habang barangay Tambo naman sa Parañaque, at ilan pang mga lugar.
Paliwanag ng Maynilad, sa kumpletong tala ng mga lugar na kasama sa water service interruption ay magtungo sa kanilang social media pages.
Kasunod nito, payo ng Maynilad sa mga customers nito, mag-ipon na ng sapat na tubig na magagamit sa oras na ipatupad ang water service interruption.
Humingi din ng paumanhin ang pamunuan ng Maynilad sa mga maaapektuhang customer nito.
