Tinawag na Public Relations (PR) stunt ni Iloilo Representative Janette Garin ang panibagong kasong inihain laban sa kanya kaugnay ng kontrobersyal na dengvaxia vaccine.
Ayon kay Garin, gawa lamang ito ng mga tinatawag na anti-vaxxers o mga hindi naniniwala sa bakuna.
Aniya, ilang beses nang napatunayang ligtas at epektibo ang bakuna kontra dengue.
Una na ring pinakasuhan ng prosecutors sina Garin at iba pang mga opisyal hingil sa katulad na reklamo ng mga pamilya ng mga batang umano’y nasawi matapos mabakunahan ng dengvaxia.
