Magkatuwang na iimbestigahan ng project contractor na EEI Corporation at ng mga otoridad ang nangyaring pagbagsak ng girder mula sa Skyway Extension Project sa may bahagi ng East Service Road, Cupang, Muntinlupa City.
Nasa anim na sasakyan ang napaulat na naapektuhan, kung saan isa ang nasawi at apat ang sugatan.
Base sa inilabas na pahayag ng San Miguel Corporation, handa nilang ibigay ang lahat ng kinakailangang tulong para sa mga biktima ng insidente partikular na sa naulilalng pamilya ng nasawing motorista.
Dagdag pa ng kumpanya, labis nilang ikinalungkot ang ‘di inaasahang pangyayari at sinigurong masusing iimbestigahan ang aksidente.
