Umapela sa Pangulong Rodrigo Duterte ang daan-daang nurses na nakakuha ng trabaho sa ibang bansa na tanggalin na ang deployment ban sa mga health workers.
Ayon kay April Glory, vice president ng PrisoNurse, mga dati na silang Overseas Filipino Workers (OFWs) at alam nila ang panganib na kanilang susuungin sa pag-alis nila ng bansa sa gitna ng pandemya.
Kaya’t hindi anya makatwiran para sa katulad nya na nangutang at nagsanla ng kagamitan para sa pagproseso ng kanyang aplikasyon sa ibang bansa para pigilan ng pamahalaan.
Kinontra rin ng PrisoNurse ang pahayag ni Labor Secretary Silvestre Bello na baka pawang fresh graduates na lamang ang maiiwan sa Pilipinas kung papayagan nilang umalis ang mga skilled health workers.