Naka-lockdown ngayong araw na ito ang Sandiganbayan.
Batay ito sa inisyung memorandum ni Sandiganbayan Presiding Justice Amparo Cabotaje-Tang kasunod na rin nang patuloy na pagtaas ng kaso ng coronavirus disease 2019 (COVID-19) sa Quezon City at pagiging positibo sa virus ng dalawang empleyado ng Sandigan sa isinagawang swab/PCR tests kahapon kasabay ng emergency en banc meeting ng Korte.
Tiniyak ni Tang ang pag-disinfect sa buong gusali at pagsasagawa ng contact tracing at monitoring ng kalusugan ng lahat ng kanilang mga empleyado.
Naka-work from home arrangement naman ang lahat ng mahistrado, opisyal at empleyado ng Sandiganbayan at uubra pa ring kontakin ang Korte sa pamamagitan ng kanilang hotline at e mail address na sa kanilang website.
